Bollis ville bruke si eiga historie til å åtvare ungdom mot å ruse seg

Bjørn David «Bollis» Aase sitt største ønske var å reise rundt på skular og snakke med ungdommar. 26. april døydde han etter å ha vore sjuk lenge. Då var han 51 år gammal.

«Snill», «omsorgsfull» og «samfunnsengasjert» er ord som går igjen når folk snakkar om Bollis. Han hadde eit stort hjarte for barn og unge, trass sine eigne utfordringar. «Alle» visste kven han var.