Kommunen går no ut og oppmodar folk med helsefag på CVen til å ta kontakt med Øygarden i korona-situasjonen. Ordførar Tom Georg Indrevik seier at situasjonen er kritisk for helse- og omsorg.
No er det åtte smitta i Øygarden
– Dersom det er personar med helsefagleg bakgrunn som har høve til å arbeida på sjukeheimar og andre delar av helse og omsorg i kommunen vår, er vi interessert i at dei tek kontakt med oss. Det kan gjerne også vera pensjonistar som har helsefagleg bakgrunn. Også studentar er vi interessert i å koma i kontakt med, seier Indrevik. Aktuelle stader det er aktuelt å nytta ekstraressursar er sjukeheimar, heimetenesta, bufellesskap og i omsorgsbustader. Dei som har helsefagleg bakgrunn kan ta kontakt med kommunen på telefon 56 16 00 10.