Korpset blei starta berre for gutar, og var eit tiltak for å hindre hærverk på fabrikkane

Den spreke 70-åringen Fjellklang feirar seg sjølv i helga. Musikantane meiner hobbyen er ei investering for livet.

Det var i 1953 at Musikklaget Fjellklang, Sotra sitt eldste musikkorps, såg dagens lys.

Den gong var det stor aktivitet på fabrikkane i Knarrevik, og mange familiar hadde busett seg i området. Knuste vindauge og «tagging» med krit på bygningane var eit vanleg problem.

Leiarane ved dei to fabrikkane såg at det var behov for å aktivisere gutane i området, og saman med skulen blei det tatt initiativ til å kjøpe inn instrument.