Vil byggja stor bane til heftig sykling

– Det er både utfordrande, moro og inkluderande, seier Halvard Kallestad om Spildepollen sykkelpark.

Ein gjeng med eldsjeler håpar at det neste år blir yrande liv i området bak Spildepollen skule. Der det i dag er ei flate og ei lita sykkelsløyfe i grus, vil dei ha ei stor, asfaltert løype med hopp og doserte svingar.

– Me treng fleire tilbod innan uorganiserte aktivitetar. Dette kjem til å bli kjempepopulært, seier Hallvard Kallestad.