Store mannskap leita etter kvinna frå torsdag føremiddag til seint torsdag kveld. I natt ei mindre gruppe vore ute og søkt, men fredag morgon blir søket etter alt å døma trappa opp att med nye mannskap. Det melder Vest politidistrikt.
Leitemannskapa omfattar mellom anna folk frå Sivilforsvaret, Røde Kors og Norske Redningshunder.
– Brannvernet har og ei drone dei brukar i søket, sa operasjonsleiar Jan-Thore Heggholmen i politiet søndag kveld.
Sakna Elina: Siste mobilsignal 10.50 i går
Elina Brandt-Hansen vart meld sakna onsdag kveld. Torsdag morgon leita ein rundt heimen hennar i Klokkarvik og i nærområda i bygda. Så fekk politiet informasjon om at ho hadde tatt bussen frå Klokkarvik mot Skogsvåg onsdag føremiddag. Difor flytta ein leitinga lenger nordover. Mellom anna gjekk mannskapa manngard i Tellnes-området, der Brandt-Hansen ofte skal ha gått tur.
Kvinna kan ha tatt buss til Skogsskiftet
Torsdag kveld vart leitinga flytta endå eit hakk nordover på Sotra, rundt Blommen/Kolltveit. Men så langt har ein ikkje gjort nokon funn.
– Me vil gjerne ha tips frå publikum, seier operasjonsleiaren.
Klokka 0800 kjem nye leitemannskap på plass.
Har du informasjon som kan tenkjast å vera til nytte i saka, kan du ta kontakt med politiet på Sotra på telefon 90770704 eller 56315800.